22.06.2018
Астанада қызмет бабында қаза болған полицейлерді еске алды
986
Астанада қызметтік борышын өтеу кезінде қаза тапқан ҚР Ұлттық гвардиясының, Ішкі істер органдарының қызметкерлеріне арналған монументке гүл шоқтарын қою рәсімі өтті.
Сондай-ақ, ҚР ІІМ-нің үздік түлектеріне салтанатты түрде лейтенанттық погондар табысталды. Гүл шоқтарын қою рәсіміне министрлік басшылығы, орталық аппарат қызметінің басшылары, ішкі істер органдарының және Ұлттық гвардия ардагерлері, қызметтік борышын өтеу кезінде қаза тапқан қызметкерлердің туған туыстары қатысты. Ішкі істер министрі Қалмұхамбет Қасымов ҚР ІІМ оқу орындарын үздік аяқтаған түлектерге салтанатты түрде лейтенант погондарын табыстады. Полиция күніне орай, министрдің бұйрығымен қызмет бабындағы міндетін адал атқарғаны үшін және Орталық аппарат пен Ішкі істер органдарының аумақтық бөлімшелерінің 854 қызметкері ынталандырылды.
