Жолақы 180 теңгеге көтерілуі мүмкін, ал экспресс-маршруттардағы жол жүру құны 250 теңге болады
Дегенмен, көлік картасымен төлеу кезінде қалалық автобустардағы жол жүру ақысы 90 теңге болып қала береді. Экспресс-маршруттарда көлік картасымен төлеген жағдайда жолақы 180 теңге болады. Astana LRT өкілі қалалық қоғамдық көлікте сараланған тариф енгізілетінін атап өтті. Компания қаражатты «көлеңкелі» айналымнан шығару мақсатында қолма-қол ақшасыз ақы төлеуді көздейді. Жаңа жүйе бойынша автобус бағыттарында кондукторлар болмайды. Билеті жоқ адамдарды көліктік бақылау қызметі тексереді. Аталмыш ұсыныстар әлі қаралу үстінде.
Видео: Ахмедин Жансерик