Елордада бүгін «Astana Media Week-тің» екінші күні өтті
Медиа апталық аясында Өңірлік БАҚ форумы ұйымдастырылды. Форумды ҚР Ақпарат және коммуникациялар министрі Дәурен Абаев ашты. Министр мерейтойларын атап өтіп жатқан өңірлік БАҚ өкілдерін марапаттады. Олардың қатарында еліміздің 10 өңірінен 12 қазақстандық газет пен 2 телекомпания бар. Отандық масс-медиа басшыларына алғыс хаттар табыс етілді. Форумда Қазақстандағы медиа саласының проблемалары мен перспективасы талқыланды. Атап айтқанда, бүгінгі БАҚ сапасы, журналистиканың болашағы және басқа да мәселелер қозғалды. Astana Media Week жұмысы 28 қыркүйекте аяқталады.
Видео: Ахмедин Жансерик
