21.06.2019
«Әскери керней» фестивалі аясында «Астана орталық саябағындағы» амфитеатрда концерт өтті
2918
Халықаралық деңгейдегі фестиваль Астана күні және Қазақстан полициясы күніне арналды.
Нұр-Сұлтанда әскери оркестрлердің дәстүрге айналған «ӘСКЕРИ КЕРНЕЙ» VІII Халықаралық әскери-музыка фестивалі өтіп жатыр. Оған Қазақстан Республикасы Ұлттық ұланының Бас қолбасшысының жүлдесі тігілген.
Нұр-Сұлтан қаласы әкімдігінің қолдауымен әскери оркестрлердің фестивалі жыл сайын елорда тұрғындары мен қонақтарын ұмытылмас әсерге бөлеп келеді. Фестивальда әскери, классикалық, халық және эстрадалық музыкалар, парад-дефиле, плац-концерт және әскери қызметшілердің қарумен орындайтын шебер көріністері әдемі үйлесімін табады.
Нұр-Сұлтан қаласындағы «Барыс Арена» мұз айдынында қазақ эстрадасы жұлдыздарының қатысуымен ҚР Ұлттық ұланы бас қолбасшысының жүлдесі үшін «Әскери керней» VІII Халықаралық әскери-музыка фестивалінің плац-концерті өтеді.
Салтанатты шарада үздік әскери оркестрлерге бағалы сыйлықтар мен дипломдар табыс етіледі.