5 қазан күні Елбасы Нұрсұлтан Назарбаев Қазақстан халқына Жолдауын жариялады
«Қазақстандықтардың әл-ауқатының өсуі: табыс пен тұрмыс сапасын арттыру». ҚР Президенті Үкіметке 2019 жылдың 1 қаңтарынан бастап ең төменгі жалақыны 1,5 есе өсіруді тапсырды. Ең төменгі жалақы көлемі 28 мыңнан 42 мыңға дейін көбейеді. Бұл барлық салаларда жұмыс істейтін 1,3 миллион адамды қамтиды. Бюджеттік мекемелердегі 275 мың қызметкердің еңбекақысы көбейеді.
Олар үшін жалақы орта есеппен 35 пайызға өседі. Осы мақсаттарға 2019-2021 жылдарда республикалық бюджеттен жыл сайын 96 миллиард теңге бөлу керек. Енді, ең төменгі жалақы ең төменгі күнкөріс шегіне байланысты болмайды, деп атап өтті Қазақстан Президенті.
Видео: Ахмедин Жансерик
