13.09.2022
Қасым-Жомарт Тоқаев Рим Папасы Францискті күтіп алды
201
НҰР-СҰЛТАН. ҚазАқпарат – Мемлекет басшысы Қазақстанға мемлекеттік сапармен келген Рим Папасы Францискті күтіп алды, деп хабарлайды ҚазАқпарат тілшісі.
Рим Папасының әуе борты Қазақстан әуежайына қонды.
Қарсы алу рәсімі барысында мемлекеттер басшылары бір-біріне екі елдің делегация мүшелерін таныстырды.
Содан кейін Қазақстан Президенті мен Католик шіркеуінің басшысы президенттік терминалдың Каминді залында қысқаша әңгімелесті.
Кездесу соңында мәртебелі қонақтың кортежі Ақордаға бағыт алды.