Астанада Қазақстандағы ең үлкен «Шолу шеңбері» іске қосылды
Оның биіктігі - 65 метр, салмағы – 270 тонна. Бұл жаңа жобаны жүзеге асыруда Астананың ауа райы жағдайы ескерілген. Торнадо болып тұратын аймақтарда да дәл осындай дөңгелектер орнатылады. Аттракцион 36 кабинамен жабдықталған. Одан қала алақандағыдай көрінеді. Кабиналарда ауа баптау және жылыту құрылғылары орнатылған. Бұл тұрғындардың аттракцион қызметін жылдың кез-келген мерзімінде пайдалануына мүмкіндік береді. Бір кабинаға алты адам сыяды. Сонымен қатар, Шолу шеңберінің жоғары жайлылықтағы тағы төрт кабинасы бар.
Жаңа аттракцион арқылы елордамыздың көрікті келбетін тамашалауға болады.
Шолу шеңберімен бір айналып өту билетінің бағасы 1000 теңгеден 1500 теңгеге дейін.
Видео: Ильзат Сафаргалиев
