Нұр-Сұлтан қаласында 16 сағаттық «Референдум» онлайн марафонда әр сағат сайын халықаралық және отандық сарапшылардың қатысуымен брифингтер, дискуссия алаңдары ұйымдастырылады және қатысушылар «ашық микрафон» алаңында түрлі тақырыптар бойынша пікір алмасады.
Марафонға 1200-ден астам қонақ, әр сала бойынша 300-ден астам спикер талқылауларға қатысады. Оның ішінде депутаттар, саясаттанушылар, үкіметтік емес ұйым өкілдері, әр саладағы белсенді жастар мен мәдениет, спорт саласының өкілдері бар. Марафонды еліміздегі ең танымал 23 тележурналист жүргізеді.
Шара 09:00-ден 01:00-ге дейін отандық БАҚ-тардың интернет ресурсы мен әлеуметтік желідегі парақшаларында онлайн-трансляцияланады.
