2022 жылдың 26 мамыры күні Мемлекет басшысы Қасым-Жомарт Тоқаев Қырғызстанға ресми сапармен барды. Екі ел басшыларының қатысуымен өткен екі күндік басқосуда ресми делегация мүшелері 13 құжатқа қол қойды.
Қазақстан – Қырғыз елінің негізгі сауда және инвестиция саласындағы серіктесінің бірі. Былтыр өзара тауар айналымы 1 миллиард долларға жетті. Екі елдің президенттері сауда көлемін жақын арада 2 миллиард долларға жеткізуге келісті.
ҚР Президентінің Телерадиокешені дайындаған деректі фильмде қазақ-қырғыз қатынастарының достық, тату көршілік және шынайы одақтастық рухында жан-жақты нығайтудың стратегиялық бағыттары түгелдей қамтылған.